Ahmet Özhan - Her Demde Sürülmez Sözleri

1. Her demde sürülmez bu devrân-ı Rasûlu’llâh

Her demde kurulmaz bu dîvân-ı Rasûlu’llâh



2. Her dîdeye yüz açmaz her göz o yüze kaçmaz

Her merhaleden geçmez kervân-ı Rasûlu’llâh



3. Bin yıllık ömür değmez bir lahzasını anın

Her câna nasîb olmaz ihsân-ı Rasûlu’llâh



4. Deryâ-yı maârifden dürr al dil-i ârifden

Pür-hikmet-i sârifden der kân-ı Rasûlu’llâh



5. Erkân-ı Karîbu’llâh bürhân-ı Karîbu’llâh

Her şân-ı Karîbu’llâh hep şân-ı Rasûlu’llâh



6. Her emre itâatda her vech ile tâatda

Meydân-ı sadâkatda merdân-ı Rasûlu’llâh



7. Hulûsî ne devletdir bin lutf u inâyetdir

Olmak ne saâdetdir kurbân-ı Rasûlu’llâh